ვიდეო

ვიდეო

ვიდეო

ხაჭოს პასკა

შემადგენლობა

• ცომი
• ხაჭო - 250 გრ
• კარაქი - 50 გრ
• შაქარი - 2/3 ჭიქა
• მარილი - 2/3 ჩ/კ
• კვერცხი - 2 ცალი
• კვერცხის გული - 1 ცალი
• ფქვილი - ჭიქა
• ვანილი - დანის წვერზე
• ქიშმიში - 70 გრ
• საფუარი - 25 გრ
• რძე - 1/4 ჭიქა
• მინანქარი
• კვერცხის ცილა - 1 ცალი
• შაქრის პუდრა - 1/3 ჭიქა
• ლიმონის წვენი - 1 ჩ/კ

მომზადება

ეს პასკა ჰგავს კექს , მაგრამ ისეთი ფხვიერი არ გამოდის. ძალიან გემრიელი და არომატული პასკაა.

ამ ინგრედიენტებისგან გამოდის 3 პასკა.

რძე გავათბოთ, დავამატოთ 1 ჩ/კ შაქარი, 1 ს/კ ფქვილი, საფუარი, ყველაფერი კარგად ავურიოთ. დავდგათ თბილ ადგილას,ან ცხელ წყალში სანამ მოცულობა არ გაიზრდება.

ავთქვიფოთ 2 კვერცხი და 1 კვერცხის გული შაქართან ერთად.

ხაჭო გავსრისოთ. ჩავასხათ გამდნარი კარაქი და ათქვეფილი კვერცხი. ჩავაყაროთ მარილი და ვანილი. ყველაფერი ავურიოთ.

ჩავაყაროთ ფქვილი და ავურიოთ. ჩავყაროთ გარეცხილი და გამშრალებული ქიშმიში და შევზილოთ ცომი, ისე რომ ქიშმიში ყველგან განაწილდეს.

უნდა გამოვიდეს წებოვანი ცომი.

პასკის ფორმების ძირზე ჩავაფინოთ გამოჭრილი ქაღალდის რგოლები.

გავანაწილოთ ცომი ფორმებში.

ფორმები ჩავდგათ ცხელ წყალში, რომ ცომი კარგად ამოვიდეს. როცა წყალი გაცივდება შევცვალოთ ცხელი წყლით.

ცომი უნდა 2-ჯერ გაიზარდოს მოცულობაში.

ღუმელი გავაცხელოთ 200 გრადუსზე.

პასკები გადავიტანოთ ღუმელში და დავტოვოთ 10 წუთით.

ღუმელი ცოტათი შევაღოთ და პასკები დავაფაროთ ფოლგის ქაღალდით.

10 ჭუთის შემდეგ ჩავუწიოთ ტემპერატურა 180 გრადუსამდე და გამოვაცხოთ 40-50 წუთის განმავლობაში.

გავაკეთოთ მინანქარი.

ავთქვიფოთ კვერცხის ცილა შაქრის პუდრასთან ერთად. სურვილისამებრ შეიძლება ლიმონის წვენის დამატება. მასა უნდა გამოვიდეს თეთრი და წებოვანი. გამომცხვარ პასკას მაშინათვე მოვასხათ მინანქარი.

ფუნთუშები ქიშმიშით და ალუბლით

შემადგენლობა
საფუარი - 14 გრ
შაქარი - 100 გრ
კარდამონი - 1 ჩ/კ
ფქვილი - 700 გრ
კარაქი - 125 გრ
კვერცხი - 2 ცალი
ქიშმიში - 75 გრ
ალუბალი - 75 გრ
წყალი - 225 მლ
მომზადება

გავხსნათ საფუარი, კარდამონი, შაქარი. 10 კოვზი ფქვილი (225 გრ).

ქვაბში დავასხათ 225 მლ წყალი, ჩავდოთ კარაქი და დავდგათ გაზზე და გავადნოთ.სითხე არ უნდა იყოს ძალიან ცხელი.

მიკსერით ავთქვიფოთ ეს სითხე ფქვილთან ერთად. დავამატოთ 1 მთლიანი კვერცხი და მეორე კვერცხის გული დავამატოთ 75 გრ ფქვილი და ვთქვიფავთ 2 წუთის განმავლობაში. დავამატოთ კიდევ 375 გრ ფქვილი და მოვზილოთ ცომი ისე რომ რბილი იყოს.
დავდოთ ცომი მაგიდაზე, დავაყაროთ ფქვილი და ვზილოთ 10 წუთი, სანამ ცომი არ გახედბა ელასტიური. თუ დაჭირდა ვამატებთ 35 გრ ფქვილს.
ცომისგან გავაკეთოთ ბურთი,

ჩავდოთ კარაქით წასმულ ჯამში და დავდგათ თბილ ადგილას , რომ ამოვიდეს. (დაახლოებით 1 საათით). ცომი უნდა 2-ჯერ გაიზარდოს.
როცა ცომი ამოვა შევაზილოთ ქიშმიში და ალუბლის ჩირი.

ცომი გავყოთ 25 ნაწილად და დავტოვოთ 15 წუთით.

ცომისგან გავაკეთოთ პატარა ბურთები, დავაწყოთ ფორმაზე (ჟაროვნაზე)და გავაჩეროთ 40 წუთი.( ფუნთუშები უნდა ამოვიდეს).
ფუნთუშებს წავუსვათ ათქვეფილი კვერცხის ცილა და გამოვაცხოთ ღუმელში 190 გრადუსზე 20-25 წუთის განმავლობაში.
როცა ფუნთუშები გამოცხვება დავაყაროთ შაქრის პუდრა.
გემრიელად მიირთვით!